بتقوللى " الجزء الأول "

عدد المساهمات : 12 تاريخ التسجيل : 06/01/2012

بتقوللى---- شعر / حسان العربى
(أغنيا ت للمحبوب)
*************
( -1-)
بتقوللى شايلالك فى صدرى....
جزيرة عشق مسكونه
من صغرى وانا احسها
مركونه فى شماله
ساكنا لى جنب اللى
شيلتك فيه وعايشاله
بيحن من لمسها
لو نسمتين جونا
و ان قالو اسمك
تقوللى الدنيا دى حنونه
وان جابوا سيرة ودادى
بتبقى مرهونه
فى ليل سها د ى
وتصحى تدق لى بداله
وان نبضه زاد ولا حن
-- تغنى لوصا له
وتمللى قرب الميعاد
-- تعمللى مجنونه
وتسوق عليك القمر—
- فى غيابه وهلاله
بتقوللى زاد البعاد –
أ و طوله وما له
حاستنى عيد الميلاد
ا ن عاد ببا لونه
وعشان تشوف طلعتك
حاتهل بكره منين
بتلاقى دوب الحنين
باين دموع فى العين
وتقوللى فين القبل
علشان يحلونا
ما ل فلى؟ ما له اندبل ؟
وروايحه مللونا ؟
خللونا دقنا الخبل
فى بوادى ملعونه
بندور فى ريح الجبل
- -ونناجى اطلاله
______________________________________

(-2-)
*بتقوللى شايلالك فى صدرى
جزيرة عشق مسكونه
بتربى توق للغزل
فى صبيه مفتونه
بتعانى شوق انغزل
وربطها فى حباله
من حلم ليلة عسل
غنولها -دا العونه
من صدرى شافت امل
من بدرى قاعداله
بتصب شوق يمتك
فى نهود ظغنونه
علشان تدوق لمستك
بيشابوا فى رحاله
و بقالها عمر وزمن
بتربى سنونه
علشان تطير ناحيتك
جناحاتها بيلالو
بتقوللى فوق جنتك
غلبنى طير قمرى
لون لى عمرى- بريشاته
- وجا بلى جنونه
بيجيبلى سيرتك مع
الكروانه والهدهد
والفجر يصبح – ويفضح
- كل ما قا لو
__________________________________________________
(-3-)

بتقوللى شايلالك فى
صدرىجزيره بتعزك
لو نسمه هبت
وهزت - مركبى تهزك
مرصوده لمحبتك
من صغرها وعامت
امواجها ياما ارتمت
على شطها ونامت
تستنى منه الغزل
وتبوسه لوقاله
ورا كل موجه احتمت
جنيه مجنونه
مفتونه منذ الازل
بجمالها وجماله
فى سفوح جبالها احتوت
لحبيبى ايقونه
فى محيط وجودى
انزوت وقالتلى بقياله
شايلاله جنه استوت
على ايد ملاك مسحور
فيها تمر حنه ارتوت
من شوق بنات الحور
مليون حوريه انتوت
على نيه مكنونه
وعشان حبيبى اكتوت
من غيرانين بالدور
ماهى كل واحده
تخاف لا التا نيه تحلاله
----------------------------------------------------
( -4-)

رديت و مين يسمعك
مانا صدرى فيه ارخبيل
وخليجه فيه مرتعك
وسكنتى فى جبا له
فى جزايره شيلتك زمن
وبنيت مزار وسبيل
وزرعت ورده وقمر
على تله فى قباله
ودفعت اكبر تمن
وشريت مكان وزمان
حكيت له عنك كمن
لوكنتى كان ياما كان
وكأ نى قيس وارتكن
على صوره فى خياله
واكمنه حب وسكن
فى بوادى م الاحزان
قريتله قصة حسن
ونعيمه زغراله
وف عينها بصة حزن
لحبيب جميل فنان
مبقاش يدوق ا لوسن
غير لما بقرا له
ودانى بيكى لزمن
كان فيه مكان خا لى
علمته كيف يؤتمن
على دره م الغا لى
وقال معاكى ضمن
على طول يعيش انسان
وقاللى رغم المحن راح اصونها مهمن كان
-------------------------------------------------

شعر / حسان العربى