بحبك والإله يشهد
وبتعب نفسي علشانك وبجهد قلبي ويا الروح
وبشغل فكري ف أحوالك وبسهر والفؤاد مجروح
مبعرف للرقاد الطعم وتهزمني كتير أشواق
وحالتي في المحبه تغم وليل العشق ليل حراق
مراكب قسوه بتشيلني وترميني بدون أعذار
وهمك جوه يئلمني ويقتلني بإيد جزار
بعيد عنك بشوف الموت ومش قادر أشوف غيره
وجوه القلب بسمع صوت جميل حيرني تفسيره
بحبك كل يوم أكتر بكل الرقه والإحساس
وشوقي يزيد وراح يكبر ويوصل للعنين والراس
كتبت كتير كتير عنك بقلبي وانتي متحنيش
واقرب كل يوم منك وقلبك قاسي ميصونيش
بحبك والإله يشهد بأن الحب مش بالإيد
داشيء مكتوب ومتحدد وحبك كل يوم بيزيد
مجدي ابراهيم ابراهيم عثمان
اليومية
