تعيشى يا بلدى

ياترى يا مصر مخبية ايه بكرة
ولادك بيتفرقوا مابقوش ايد واحدة
ليه كل ماتحلمى عايزين يصحوك
على صوت شهيد فينا كان نفسه يحميك
واقف فى عز البرد وبراسه كام طوبة
يموت يا مصر فداكى وتكونى منصورة
الكل طمعان فيكى فرحان ومستنى
يكسر جناحك ويقول الذنب مش ذنبى
اخويا بيقتلنى عملت فيه ايه
شايفة القساوة يا امى ملوش حنان ليه
قومى ..اصرخى كلمى يمكن يميل ليك
يمكن حنان الام يرجعوا ليك
بقى كل واحد مات نقوله انت شهيد
وفى ايده حضن الحجر وفى قلبه حقد عنيد
لما يموت بقى بطل ونقول لامه شهيد
ملعون كل واحد يسىْ الظن بيك
لو كان شرب من نيلك لازم هيفديك
مش هى دى بلدى ..ده بلدى شىْ تانى
فستانها هو الازهر وعبيرها قرانى
وشبابها اللى بروحه فداها عشان نشرب
نشرب شهامة وكرامة ولا ضحكتك تهرب
احنا فداكى يا مصر ومعاكى للاخر
لازم فى يوم ترجعى نيلك يصحينا
وشمس بلدى هتنشر بسمتك لينا
دا اللى يصون بلده ربنا يحبه
حب الوطن نعمة زرعه الاله فينا
متزعليش يا مصر لو كانو باعوك
خسر نفسه اللى باعه وخسر كمان دينه