المليم.......

أنا المليــم
وانا بالعب
في جيب جدي
لقيت مليم
عفي وسليم
ودا واحد على عشره
من القرش اللي......
مصري قديم
وده واحد على ميه
من اللحلوح
جنيه إمبارح المصري اللي.....
كان منفوح

لهو عاجز ولا عاوز
ولا ملووح
وكان ممكن نصيف به
ولو حتى
نروح مطروح

وبالمليم دا كان جدي
يجيب ل عمامي
كام بيضه
من البلدي اللي كات
ريحة صفارها تفوح
تعوض دمك المسفوح
دا لو مجروح
وكات الفرخه ام البيضه
م البلدي اللي كات
لا بتاكل
الخلطه
ولا الهرمون
وكات رجليها م القوه
تشوط بيها
تجيب لك جون
تكاكي ينسمع صوتها
وتخرس رنة التليفون

وأنا في الهم دا سارح
من إمبارح
لقيت السيد المليم
بسرعة فط من جيبي
وقالي حفلة التكريم
أنا اللي انفع
رئيس وزرا
يرجع
بر مصر عظيم