محمد عصفور
عدد المساهمات : 45
تاريخ التسجيل : 14/01/2012
العمر : 77
الموقع : http://www.blogaraby.com/blog.php?u=1844
 | موضوع: فضيحة......  الإثنين مارس 19, 2012 1:10 pm | |
|
أول جواز مثلي يحصل
عندنا ع النيل
ما بين دولار إنسعر
وجنيه بحبل طويل
لف الدولار الحبل
حوالين الجنيه خنقه
وعمل عليه الدكر
وصاحبنا تحته قتيل
دي حاجه طبعا فضيحه
وواضحه من غير ليه
واللي الغبا يخذله
ما تلومش حد عليه
حط الدولار للجنيه
حاجه صفره يشربها
وأما شربها
ماعرفش
حصل له إيه
______
عمري ماشفت الجني
واقف على حيله
بعد ماباعوا في أكبر
مهزله نيله
سألته قالي
يتيم الجد والأبوين
شاف الضنا بألوانه
بعد تدليله
______
يامعلقين الجني واصحابه
وسط الدار
ومشهدين اليورو
على خيبته والدولار
العيب دا مش في الجنيه
اللي ما لهش خيار
العيب ده ع اللي سابوه
في البورصه يغتصبوه
ويكشفوا عورته
ويلحقو بنا العار
كان الجنيه الدهب
بيقولوا ياسيدي
وكان ساعتها الدولار
بيقوله خد إيدي
دلما كان الدهب الأبيض بيضحك له
يقوله: جايلك يا صاحبي
وف مواعيدي
دا لما كان قمحنا
زارعينه بإيدينا
ونوارج الدرس
بتسابق خطاوينا
قبل مانزرع فراوله
وكنتالوب وبلاوى
خلت ولاد الأبالسه
يلعبوا بينا
| |
|
اليومية
