بحبك قد مش قدي

موضوع: بحبك قد مش قدي الأحد مايو 06, 2012 1:06 pm

بحبك
قد مش قدي
بتتلكعي...
وبتمدي
وباارخيلك
وبتشدي
وبامتحنك بعقلي
صفر ف الميه
وطالعه الأوله
ف مسابقه
حدودها... لا نهائيه
ومش عاجبك
من الجبروت

لما الوطن ينباع
ونأيد البياع
يبقي يقابلني الشعب
إن جاله يوم ما جاع
****
لما الوطن ينعاص
ونبايع اللي عاص
يبقي يقابلني الشعب
إن جاله يوم ما لاص
****
لما الوطن ينهان
ونطاطي للي هان
يبقي وطن مهزوم
ما يعيشي فيه انسان
***
لما الوطن ينهار
ونداري ع اللي انهار
يبقي اللي عايشين فيه
لازم يخشوا النار
______
بااحبك وحبك
يا طاهره خضار
بااحبك وقلبك
حصاوي وحجار
بااحبك يا جنه
لكل اللي كارهك
لكل اللي حبك
من الجنه نار
______
بااحبك وحبك
بيسكن ضلوعي
وفي الغربه شوقي
للحظة رجوعي
وف القرب راضي
ف حضنك بجوعي
بااحبك وحبك
بيجري في دمي
وراضعه من أمي
في رضعة سبوعي
______
بااحبك سفينه
ف بحر الغمام
لا تهدي في مينا
ولا البحر نام
ولا الريح مواتيه
تغرق حبيبها
وهو بيحلم
بمسك الختام
______
بااحبك وبحلم
في بحري الغريق
برايه توري
سفينتي الطريق
لا نار الفناره
بيهدي إللي تايه
ولا الميه قادره
تتطفي الحريق
______
بااحبك وحبك
شموخ النخيل
وسمره ولادك
وشمس الأصيل
وبحر المعاني
وحس الاغاني
بااحبك وخطوه
في حبك بتسبق
خطاوي إللي كارهك
بميت الف ميل
______
بااحبك وحبك
معلم في إيدي
وواصل لدمي
وجاري
ف وريدي
وغير ملامح
كراته وغيره
وراسم نزيفه
ملامح شهيدي

» بحبك وحبك في دمي
» قصيدة بعنوان بحبك آه
» بحبك والإله يشهد
» بحبك والإله يشهد