بااحبك وحبك

موضوع: بااحبك وحبك الأحد مايو 06, 2012 1:10 pm

بااحبك وحبك
في شاديه وثومه
ولحظة أمومه
وآهه كتومه
وقادره بتعزم
بقلب وعفيه
ولادها بتاكل
زبالة العزومه

______
لما كات اللقمه منك
يا حبيبتي
منك انتي
سنبله ندرسها
نطحنها
ونلقاها ف عجينتي
كات بتبقي اللقمه
مغموسه بحنانك
كنت باخد الرضعه
من صدرك عشانك

واما كنت اعيا
أخف
وأما جسمي
كان يشف
والخلايا تبان
الاقيكي في نواتي
كنتي ذاتي
أمي أبويا
خالي خالتي
ف قريتي
حتي في مدينتي
وأما أحس اني حبيبك
كنت أموت
ولا إني أسيبك

كنت احس بزرعه
خضره
نازله في الرضعه
ابن بنتي
ما انتي عارفه
يا حبيبتي

لو عشانك
كنت أجوع
كنت أشبع
لما أكون
في الغربه
مستني الرجوع
بس لاجل
بتطرديني
رغم إني
فيكي سايب
نن عيني
قلبي لسه
مانفطمشي
نونو
مستني السبوع
دمعته
هيا ابتسامته
مبتسم بس بدموع
مش خنوع
______
لو عشان خاطرك أسافر
مش ف بالي أي مينا
وإن غرقت اقدر أعافر
والتقي حبك سفينه
وأما ألاقي الموج بيعلى
كنت أحس بها بسكينة
تثبت إن الحب أصلي
في مصرنا
ومالوش فروع
لو عشان خاطرك اجوع

______
في وسط المحطه
لمحتك يا شمطه
لمحتك عرفتك
ببغضك وشيبتك
وفوق الباروكه
بؤويه وقمطه
ودانك أرانب
وعمره ف سنانك
ولمه شفايفك
ببنسه وبنطه
وقصعه ف قدك
وجذرك ف مدك
وندبه ف خدك
باين لي ببلطه
ولفه المواني
بحبة أغاني
مع كونداليزا
ربيبتك ف شنطه
عليه بتجري
وداخله ف حجري
وصبري عليكي
حاططني ف ورطه

ودوني حفيدك
ف حجره وليدك
بيضحك علينا
وقلبه ف سينا
وعينه ف مارينا
بيذكر ف طنطا
وكله ورب الخلايق
أونطه

_______
بااحبك ف مصر
وبادخل ف بنها
واطلق ف طنطا
ولما تلوميني
وتيجي تدينيني
أقولك بااحبك
بجد واونطه

» بااحبك خرافه
» بحبك وحبك في دمي