وبحلم لك تعود شمسك
وبشتاق لك .وببعث لك دموع قلبي ف عز الليل
وبشكي لك .وبغزلك هموم قلبي غني ومواويل
يا ست الكل ياسمرة يا صحبة ورد .
ياواخده الكل ف رحابك
ياجايبة الخير ف أعتابك يا بنت النيل
كثير منعوني عن قلبك
كثير صدوني عن حبك
كثير راهنوا علي فراقك
لكين هجرك مخلصنيش
وبتلمس كثير أعذار
وبتقلب تملي ف نار
وأقول يمكن متقصدنيش
وأبعث ليكي عنواني
وأعيد الفكر من ثاني
وأقدم لك دموع عيني تكون عربون
وأقول يارب تصفي لي
وتكمل فرحتي بيكي
ولكن بس يا خسارة
هناك حوا ليكي ميت خاين
وميت جاحد
وميت فاسد
وميت مجنون
********
أعاتبك بس مش عارف أقولك إيه
سنين عدت
وأنا واقف علي بابك
حزين حيران
تذوب الهدمة فوق كتفي
ف أقف عريان
يمر زمان وييجي زمان
وأنا عريان
أنا المضروب علي خده
من ال إتعدواع الحرية في بلدي
وع الأوطان
وكنت الصلب في قولي
وم الجبروت لقتني بموت
وضاع عمري
يا ست الكل
أنا قطر الأمل فاتني
وعايش فيكي والأحزان مخليا ني
عود دبلان
أنا شيال
أنا حمال
أنا حامل هموم قلبي
وجا يلك في محطة مصر
أنا المطرود من العشة
وم الأكواخ
ومطرود من بلاط القصر
ويومي من رصيف لرصيف
ومعصور في المشاكل عصر
******
تعبت كثير .
وكان نفسي أكون مرتاح
وكان نفسي أكون جنبك
وألاقي الكون براح ف براح
وعند ما أقول أنا عاشقك
تضميني
تغطيني بألف جناح
ولكني بقول عاشقك
ألاقيني ف حنك تمساح
وعاديتي اللي عاشقينك
ورحتي مع اللي بايعينك
وواكلينك وشار بينك
وسبتيني أسير حبك
أسير حبك
أقاسي المر ف بعادك
وأشوف الويل
ونار بعدك بتكويني
وتإذيني وأبات مهموم
وسجانك وجلادك هناك واقفين
أنا اللي الفكر ف أحوالك مخليني
سجين وحزين
وأنا المطعون بميت خنجر وميت سكين
وأنا المصارين تملي ف بطني تتقطع
علي ولادك وقلبي عليل
*******
يا بنت النيل
إذاجالك من الغد اللي جاي مرسال
فقومي وكسري الأقفال
افتحي بابك لبكره
يدخلوا كل العيال
حضنك الدافي مازال
حلم كل المخلصين
فرحي القلب الحزين
لجل متعود ليكي شمسك
افتحي شباك وباب
يدخلوا كل القرايب والحبايب والصحاب
خلي عينك ع الشباب
دا الشباب هوا الأمل
انتي مش محتاجه منحة من غريب
ولا ضحكة لجل ما جروحك تطيب
انتي محتاجة لسواعد
مخلصة تحب العمل
مجدي إبراهيم إبراهيم عثمان
اليومية
